നിർമ്മാണ പ്രവർത്തനങ്ങൾ സുഗമമാക്കുന്നതിനും അപകടങ്ങൾ ഒഴിവാക്കുന്നതിനുമായി വാഹനങ്ങൾക്ക് താഴെ പറയുന്ന രീതിയിൽ വഴിതിരിച്ചുവിടൽ ഏർപ്പെടുത്തിയിട്ടുണ്ട്:
അരീക്കോട് ഭാഗത്തുനിന്നും വരുന്നവ:
അരീക്കോട് ഭാഗത്തുനിന്നും വരുന്ന ചെറിയ വാഹനങ്ങൾ കിടങ്ങഴി-രാമങ്കുളം റോഡ് വഴി പ്രവേശിച്ച് മഞ്ചേരി-കിഴിശ്ശേരി റോഡിലൂടെ മഞ്ചേരി ടൗണിലേക്കും തിരിച്ചും പോകേണ്ടതാണ്.
നിലമ്പൂർ, വണ്ടൂർ ഭാഗങ്ങളിൽ നിന്നുള്ളവ: നിലമ്പൂർ, വണ്ടൂർ ഭാഗങ്ങളിൽ നിന്നും വരുന്ന ചെറിയ വാഹനങ്ങൾ ചെരണി-മംഗലശ്ശേരി-കുമാരങ്കുളം റോഡ് ഉപയോഗിച്ച് പാലക്കുളം വഴി മഞ്ചേരി ടൗണിലേക്കും തിരിച്ചും പോകേണ്ടതാണ്.
പ്രവൃത്തികൾ നടക്കുന്നതിനാൽ ഈ ഭാഗത്തുകൂടി പോകുന്ന കാൽനടയാത്രക്കാരും വാഹനയാത്രക്കാരും പ്രത്യേക ജാഗ്രത പാലിക്കണമെന്നും നിർമ്മാണ പ്രവൃത്തികളുമായി പൊതുജനങ്ങൾ സഹകരിക്കണമെന്നും അധികൃതർ അഭ്യർത്ഥിച്ചു.
