പവർക്കട്ട്: ഡിവൈഎഫ്ഐ തൃക്കലങ്ങോട് കെ.എസ്.ഇ.ബി ഓഫീസിലേക്ക് ചൂട്ട് മാർച്ച് സംഘടിപ്പിച്ചു

തൃക്കലങ്ങോട്: സംസ്ഥാനത്തെ ജനങ്ങളെ ഇരുട്ടിലാക്കുന്ന യു.ഡി.എഫ് സർക്കാരിന്റെ പവർക്കട്ടിനെതിരെ ഡിവൈഎഫ്ഐ തൃക്കലങ്ങോട് മേഖലാ കമ്മിറ്റിയുടെ നേതൃത്വത്തിൽ തൃക്കലങ്ങോട് കെ.എസ്.ഇ.ബി ഇലക്ട്രിക്കൽ സെക്ഷൻ ഓഫീസിലേക്ക് ചൂട്ട് മാർച്ച് സംഘടിപ്പിച്ചു. പവർക്കട്ട് സമയത്ത് ഓലച്ചൂട്ടുകളും മെഴുകുതിരികളുമേന്തി തൃക്കലങ്ങോട് 32-ൽ നിന്നാണ് പ്രതിഷേധ മാർച്ച് ആരംഭിച്ചത്.

​ഓഫീസിന് മുന്നിൽ സമാപിച്ച മാർച്ച് ഡിവൈഎഫ്ഐ മഞ്ചേരി ബ്ലോക്ക്‌ സെക്രട്ടറി സി. വിപിൻ ഉദ്ഘാടനം ചെയ്തു. ഡിവൈഎഫ്ഐ ബ്ലോക്ക് കമ്മിറ്റി അംഗം ഷിഫാ ജലീൽ, മേഖലാ സെക്രട്ടറി ശരത് സുന്ദർ, പ്രസിഡന്റ് നിഷാദ് പാലക്കൽ, ട്രഷറർ അജൻ കെ.പി. എന്നിവർ സംസാരിച്ചു.

​മേഖലാ സെക്രട്ടറിയേറ്റ് അംഗങ്ങളായ സമീർ മരത്താണി, പ്രവീൺ തച്ചുണ്ണി, സുഹൈൽ ചെറുപള്ളി, സന്തോഷ് ആനക്കോട്ടുപുറം, റാഷിദ് 34 തുടങ്ങിയവർ പ്രതിഷേധത്തിന് നേതൃത്വം നൽകി.