ആഴ്ചകൾക്ക് മുൻപ് മഞ്ചേരിയിലെ അപ്പാർട്ട്മെന്റിൽ നിന്ന് 100 ഗ്രാം എംഡിഎംഎയുമായി 6 പേരെ പിടികൂടിയ കേസിലെ തുടർഅന്വേഷണമാണ് വൻ സംഘത്തിലേക്ക് വഴിവെച്ചത്. കേരളത്തിലും തമിഴ്നാട്ടിലും യുവാക്കളെ ലക്ഷ്യമിട്ട് ലഹരിവിൽപന നടത്തുന്ന സംഘം കോയമ്പത്തൂർ, പഴനി, കൊടൈക്കനാൽ കേന്ദ്രീകരിച്ചാണ് ഇടപാടുകൾ നടത്തിയിരുന്നത്. കാറിന്റെ ഡോർ പാഡുകൾക്കുള്ളിൽ പ്രത്യേകം തയ്യാറാക്കിയ രഹസ്യ അറകളിൽ 100 ഗ്രാം മുതൽ 500 ഗ്രാം വരെയുള്ള പാക്കറ്റുകളിലാക്കി ഒളിപ്പിച്ച നിലയിലായിരുന്നു എംഡിഎംഎ കണ്ടെടുത്തത്.
