ഇരുട്ടിലാക്കി യുഡിഎഫ്‌ സർക്കാർ; കാരക്കുന്ന് 34-ൽ സിപിഐ എം മെഴുകുതിരി കത്തിച്ച് പ്രതിഷേധിച്ചു

കാരക്കുന്ന്: വൈദ്യുതി പ്രതിസന്ധി പരിഹരിക്കാതെ ജനങ്ങളെ ഇരുട്ടിലേക്ക്‌ തള്ളിവിട്ട യുഡിഎഫ്‌ സർക്കാരിന്റെ നടപടിയിൽ ശക്തമായി പ്രതിഷേധിച്ച് കാരക്കുന്ന് 34-ൽ സിപിഐ എം പ്രതിഷേധം സംഘടിപ്പിച്ചു. സിപിഐ എം തൃക്കലങ്ങോട് ലോക്കൽ കമ്മറ്റിയുടെ നേതൃത്വത്തിൽ മെഴുകുതിരി കത്തിച്ചായിരുന്നു സർക്കാരിനെതിരെയുള്ള പ്രതിഷേധം രേഖപ്പെടുത്തിയത്.

​പ്രതിഷേധ പരിപാടിയിൽ ലോക്കൽ സെക്രട്ടറി രാജശേഖരൻ വിശദീകരണം നൽകി സംസാരിച്ചു. ഏരിയ കമ്മിറ്റി അംഗം കെ. പി. മധു, ബാപ്പുട്ടി പുതുങ്കറ, കെ. സി. ബാബു, മനു കരിക്കാട് തുടങ്ങിയ നേതാക്കൾ പ്രതിഷേധത്തിൽ പങ്കെടുത്തു. ഷിജു കൃഷ്ണ പരിപാടിക്ക് സ്വാഗതമാശംസിച്ചു.