ഇരു ടീമുകളുടെയും ആരാധകർ വാശിയോടെ ഏറ്റെടുത്ത മത്സരം കാണികൾക്ക് മികച്ചൊരു ഫുട്ബോൾ വിരുന്നാണ് സമ്മാനിച്ചത്. ലോകകപ്പ് ആഘോഷങ്ങളുടെ ഭാഗമായി സംഘടിപ്പിച്ച ഈ ഫുട്ബോൾ മാമാങ്കത്തിൽ പങ്കുചേരാനും പ്രിയ ടീമുകൾക്ക് പ്രോത്സാഹനം നൽകാനുമായി പ്രദേശത്തെ നിരവധി ഫുട്ബോൾ പ്രേമികളാണ് ഹൈസ്കൂൾ ഗ്രൗണ്ടിലേക്ക് ഒഴുകിയെത്തിയത്. 'മോർണിംഗ് വാർ' കൂട്ടായ്മയുടെ നേതൃത്വത്തിൽ നടന്ന ഈ പരിപാടി പ്രദേശത്തെ ഫുട്ബോൾ ആവേശത്തിന് പുതിയ ഉണർവ് നൽകിയിരിക്കുകയാണ്.
