മഞ്ചേരിയിൽ ആവേശം ചോരാതെ വോട്ടെടുപ്പ്; ഉച്ചവരെ കനത്ത പോളിംഗ്

മഞ്ചേരി: മഞ്ചേരി മണ്ഡലത്തിൽ വോട്ടെടുപ്പ് ആവേശകരമായി തുടരുന്നു. രാവിലെ മുതൽ തന്നെ മിക്ക ബൂത്തുകളിലും വോട്ടർമാരുടെ നീണ്ട നിരയാണ് ദൃശ്യമാകുന്നത്. ഏറ്റവും ഒടുവിലെ വിവരം അനുസരിച്ച് ഉച്ചവരെ മണ്ഡലത്തിൽ 50.96% പോളിംഗ് രേഖപ്പെടുത്തിയിട്ടുണ്ട്.

 മഞ്ചേരി മണ്ഡലം യുഡിഎഫ് സ്ഥാനാർത്ഥി  അഡ്വക്കേറ്റ് എം റഹ്മത്തുള്ളയും, എൽഡിഎഫ് സ്വതന്ത്ര സ്ഥാനാർത്ഥി  വി എം മുസ്തഫയും നേരത്തെ തന്നെ വോട്ട് രേഖപ്പെടുത്തി. ജനാധിപത്യ അവകാശം എല്ലാവരും വിനിയോഗിക്കണമെന്ന് സ്ഥാനാർത്ഥികൾ ആവശ്യപ്പെട്ടു.

മണ്ഡലത്തിലെ വോട്ടെടുപ്പ് നിലവിൽ സമാധാനപരമായി പുരോഗമിക്കുന്നു. വരും മണിക്കൂറുകളിൽ പോളിംഗ് ശതമാനം  ഉയരുമെന്നാണ് പ്രതീക്ഷിക്കുന്നത്.