കിഴക്കേ പാണ്ടിക്കാട് നിന്നാണ് റോഡ് ഷോയ്ക്ക് തുടക്കം കുറിച്ചത്. തുടർന്ന് തൃക്കലങ്ങോട് പഞ്ചായത്തിലെ പ്രധാന കേന്ദ്രങ്ങളായ ചെറുകുളം, എളങ്കൂർ, കാരക്കുന്ന് ജംഗ്ഷൻ എന്നിവിടങ്ങളിലൂടെ സഞ്ചരിച്ച് മഞ്ചേരി നഗരത്തിലാണ് വർണ്ണാഭമായ ഡിജെ ഷോയുടെയും, ബാൻഡ് വാദ്യങ്ങളും, കരിമരുന്ന് പ്രയോഗത്തിന്റെയും അകമ്പടിയോടെയാണ് റോഡ് ഷോ സമാപിച്ചത്. പരസ്യപ്രചാരണത്തിന്റെ അവസാന മണിക്കൂറുകളിൽ മണ്ഡലത്തെയാകെ ഇളക്കിമറിച്ച് നടത്തിയ പടുകൂറ്റൻ പ്രകടനം എൽഡിഎഫ് ക്യാമ്പിന് വലിയ ആത്മവിശ്വാസമാണ് പകർന്നിരിക്കുന്നത്
