തിങ്കളാഴ്ച ഉച്ചയോടെയാണ് നാടിനെ നടുക്കിയ അപകടമുണ്ടായത്. ഇടിയുടെ ആഘാതത്തിൽ തകർന്ന കാറിനുള്ളിൽ കുടുങ്ങിപ്പോയവരെ വാഹനത്തിന്റെ മുകൾഭാഗം മുറിച്ചുമാറ്റിയാണ് പുറത്തെടുത്തത്. നാട്ടുകാരും വഴിയാത്രക്കാരും ചേർന്ന് ഉടനടി രക്ഷാപ്രവർത്തനം നടത്തി പരിക്കേറ്റവരെ അരീക്കോട്ടെ മദർ ഹോസ്പിറ്റലിൽ പ്രവേശിപ്പിച്ചു. നില ഗുരുതരമായവരെ വിദഗ്ധ ചികിത്സയ്ക്കായി മറ്റു ആശുപത്രികളിലേക്ക് മാറ്റിയിട്ടുണ്ട്.
അമിതവേഗതയാണോ അതോ നിയന്ത്രണം വിട്ടതാണോ അപകടകാരണമെന്ന് വ്യക്തമല്ല. സംഭവത്തിൽ പോലീസ് അന്വേഷണം ആരംഭിച്ചു. കൂടുതൽ വിവരങ്ങൾ ലഭ്യമായി വരുന്നതേയുള്ളൂ.
