ചുരം പാതയുടെ ഇരുവശങ്ങളിലുമുള്ള പ്ലാസ്റ്റിക് മാലിന്യങ്ങളും മറ്റ് അജൈവ മാലിന്യങ്ങളും പൂർണ്ണമായും ശേഖരിച്ച് നിർമ്മാർജ്ജനം ചെയ്യുകയാണ് ഈ ഉദ്യമത്തിലൂടെ ലക്ഷ്യമിടുന്നത്. പരിപാടിയുടെ ഔദ്യോഗിക ഉദ്ഘാടനം നിലമ്പൂർ നോർത്ത് ഡി.എഫ്.ഒ (DFO) കെ.കെ. സുനിൽകുമാർ ഐ.എഫ്.എസ് നിർവഹിക്കും.
വഴിക്കടവ് ഗ്രാമപഞ്ചായത്ത് പ്രസിഡൻ്റ്, മറ്റ് ജനപ്രതിനിധികൾ, ഹരിതകർമ്മസേന അംഗങ്ങൾ, വനംവകുപ്പ് ഉദ്യോഗസ്ഥർ, വിവിധ പരിസ്ഥിതി പ്രവർത്തകർ തുടങ്ങി നിരവധി പേർ ഈ സദുദ്യമത്തിൽ പങ്കാളികളാകും. പ്രകൃതി സംരക്ഷണത്തിൻ്റെ സന്ദേശം വിളിച്ചോതുന്ന ഈ ഉദ്യമത്തിലേക്ക് ഏവരുടെയും സഹകരണം സംഘാടകർ അഭ്യർത്ഥിച്ചു.
