രാവിലെ 7 മണിക്ക് മഞ്ചേരി മുനിസിപ്പൽ വൈസ് ചെയർപേഴ്സൺ അഡ്വ. ബീനാ ജോസഫ് ശുചീകരണ യാത്ര ഫ്ലാഗ് ഓഫ് ചെയ്തു. വഴിക്കടവ് റേഞ്ച് ഓഫീസർ വിമൽ മാലിന്യ നിർമാർജന പരിപാടി ഔദ്യോഗികമായി ഉദ്ഘാടനം ചെയ്തു. ഒയിസ്ക ചാപ്റ്റർ പ്രസിഡന്റ് പി. കേശവൻ അധ്യക്ഷത വഹിച്ച ചടങ്ങിൽ ഫോറസ്റ്റർ അയൂബ്, റിട്ട. ഫോറസ്റ്റ് ഓഫീസർ നാരായണൻ അഴകത്ത്, ഒയിസ്ക സ്റ്റേറ്റ് സെക്രട്ടറി കെ.പി. രാമദാസ് എന്നിവർ സംസാരിച്ചു.
ശുചീകരണത്തിന് തുടക്കം കുറിക്കുന്നതിന് മുന്നോടിയായി ഡോ. സി.വി. സത്യനാഥൻ എൻ.എസ്.എസ് യൂണിറ്റ് അംഗങ്ങൾക്ക് യോഗ പരിശീലനം നൽകി. 25 ഒയിസ്ക അംഗങ്ങളും 50 എൻ.എസ്.എസ് വളണ്ടിയർമാരും വനം വകുപ്പ് ഉദ്യോഗസ്ഥരും കാരക്കുന്ന് സ്കൂളിലെ ജീവനക്കാരും ശുചീകരണ പ്രവർത്തനങ്ങളിൽ സജീവമായി പങ്കാളികളായി.
