മണ്ണ് നീക്കം ചെയ്യാൻ ജില്ലാ ജിയോളജിസ്റ്റ് നേരത്തെ നിർദ്ദേശം നൽകിയിരുന്നെങ്കിലും ക്വാറി അധികൃതർ ഇത് പാലിക്കാൻ തയ്യാറായിട്ടില്ല. ശക്തമായ മഴ തുടരുന്ന സാഹചര്യത്തിൽ വലിയൊരു മണ്ണിടിച്ചിൽ ഭീഷണിയാണ് പ്രദേശം നേരിടുന്നത്. വിഷയത്തിൽ ജിയോളജി, പരിസ്ഥിതി വകുപ്പുകൾ ഇടപെടണമെന്നും ക്വാറിയുടെ എല്ലാ അനുമതികളും റദ്ദാക്കി കർശന നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
പ്രശ്നത്തിന്റെ ഗൗരവം കണക്കിലെടുത്ത് കാവനൂർ പഞ്ചായത്ത് പ്രസിഡന്റ് സുബൈദ, വാർഡ് മെമ്പർ ഷഫീഖ്, തൃക്കലങ്ങോട് പഞ്ചായത്ത് വാർഡ് മെമ്പർ കെ. നാസർ എന്നിവർ സ്ഥലം സന്ദർശിച്ച് സ്ഥിതിഗതികൾ വിലയിരുത്തി.
ക്വാറിക്കെതിരെ നാട്ടുകാരുടെ നേതൃത്വത്തിൽ ജനകീയ സമരം ശക്തമാവുകയാണ്
