മുഖ്യമന്ത്രിയെ നിശ്ചയിക്കുന്നതുമായി ബന്ധപ്പെട്ട തർക്കങ്ങൾ പരിഹരിക്കാൻ കോൺഗ്രസ് അധ്യക്ഷൻ മല്ലികാർജുൻ ഖാർഗെയും രാഹുൽ ഗാന്ധിയും ഇന്ന് നിർണ്ണായക കൂടിക്കാഴ്ച നടത്തും. സ്ഥാനാർത്ഥി നിർണ്ണയത്തിൽ അന്തിമ ധാരണയിലെത്തിയതായും ഒരു പേര് ഹൈക്കമാൻഡ് ഉറപ്പിച്ചതായും ഡൽഹിയിൽ നിന്നുള്ള റിപ്പോർട്ടുകൾ സൂചിപ്പിക്കുന്നു
പ്രതിപക്ഷ നേതാവ് എന്ന നിലയിലുള്ള പ്രവർത്തനവും എല്ലാവരെയും ഒപ്പം നിർത്താനുള്ള കഴിവും പരിഗണിച്ച് വി.ഡി. സതീശന്റെ പേരിനോടാണ് ലീഗിന് താല്പര്യമെന്ന സൂചനകളുണ്ട്.
സോണിയ ഗാന്ധി പാണക്കാട് തങ്ങളുമായി ഫോണിൽ ബന്ധപ്പെട്ടു., വി ഡി സതീശന്റെ പേര് നിർദ്ദേശിക്കപ്പെട്ടു എന്നും സൂചന ഉണ്ട്.
സതീശനെ മുഖ്യമന്ത്രിയാക്കുന്നതിലൂടെ മുന്നണി സംവിധാനം കൂടുതൽ ശക്തമാകുമെന്ന് ഒരു വിഭാഗം നേതാക്കൾ കരുതുന്നു.
ഹൈക്കമാൻഡ് പ്രഖ്യാപനം വരുന്നതോടെ കേരള രാഷ്ട്രീയത്തിലെ പുതിയ അധികാര കേന്ദ്രം ആരെന്ന് വ്യക്തമാകും. കേരളം ഉറ്റുനോക്കുന്ന ആ സുപ്രധാന തീരുമാനം ഏതാനും മണിക്കൂറുകൾക്കുള്ളിൽ ഉണ്ടായേക്കും.
