​സ്ത്രീ സുരക്ഷാ പെൻഷൻ ഇല്ലാതാക്കിയ നടപടി: എളങ്കൂറിൽ സി.പി.ഐ (എം) പ്രതിഷേധ ധർണ്ണ സംഘടിപ്പിച്ചു

എളങ്കൂർ: എൽ.ഡി.എഫ് സർക്കാർ നടപ്പിലാക്കിയിരുന്ന സ്ത്രീ സുരക്ഷാ പെൻഷൻ പദ്ധതി ഇല്ലാതാക്കിയ യു.ഡി.എഫ് സർക്കാരിന്റെ നടപടിക്കെതിരെ സി.പി.ഐ (എം) എളങ്കൂർ ലോക്കൽ കമ്മറ്റിയുടെ നേതൃത്വത്തിൽ പ്രതിഷേധ ധർണ്ണ സംഘടിപ്പിച്ചു. എളങ്കൂർ എടക്കാട് വെച്ചാണ് ധർണ്ണ നടന്നത്.

​പ്രതിഷേധ പരിപാടി സി.പി.ഐ (എം) മഞ്ചേരി ഏരിയാ കമ്മറ്റിയംഗം ഡോ. പി. ജിജി ഉദ്ഘാടനം ചെയ്തു. ജനാധിപത്യ മഹിളാ അസോസിയേഷൻ വില്ലേജ് പ്രസിഡന്റ് പി. ദിവ്യ യോഗത്തിൽ അധ്യക്ഷത വഹിച്ചു.

​ഏരിയാ കമ്മറ്റിയംഗം എം. ജസീർ കുരിക്കൾ, ലോക്കൽ സെക്രട്ടറി കെ. കെ. ജനാർദ്ദനൻ, ടി. സലാം, കെ. കെ. വിമല, ഷാജി കപ്രാട് തുടങ്ങിയവർ സംസാരിച്ചു. മഹിളാ അസോസിയേഷൻ വില്ലേജ് സെക്രട്ടറി എം. റജീന സ്വാഗതവും പി. പി. ഫാത്തിമ നന്ദിയും പറഞ്ഞു. നിരവധിയാളുകൾ പ്രതിഷേധത്തിൽ പങ്കെടുത്തു.