മഞ്ചേരി മുനിസിപ്പാലിറ്റിയിലാണ് സ്ഥാനാർത്ഥി ഏറ്റവും വലിയ മുന്നേറ്റം നടത്തിയത്. ഇവിടെ നിന്ന് മാത്രം 21,103 വോട്ടുകളുടെ ഭൂരിപക്ഷം ലഭിച്ചു. പഞ്ചായത്തുകളിലെ കണക്കുകൾ പാണ്ടിക്കാട്: 11,811
തൃക്കലങ്ങോട്: 11,719
കീഴാറ്റൂർ: 8,996
എടപ്പറ്റ: 6,250
മുസ്ലീം ലീഗിന്റെ പൊന്നാപുരം കോട്ടയെന്നാണ് എല്ലാ കാലവും മഞ്ചേരി അറിയപ്പെട്ടിരുന്നത്. സി.എച്ച് മുഹമ്മദ് കോയ ഉള്പ്പടെയുള്ളവര് മഞ്ചേരിയില് നിന്ന് നിയമസഭയത്തിലെത്തിയിട്ടുണ്ട്. മാത്രമല്ല, മഞ്ചേരി മണ്ഡലം രൂപീകൃതമായ കാലം മുതൽ യുഡിഎഫിനെ, പ്രത്യേകിച്ച് മുസ്ലീം ലീഗിനെയാണ് അവിടുത്തെ വോട്ടര്മാര് പിന്തുണയ്ക്കുന്നത്.
2021- ൽ 78,836 വോട്ടുകൾ നേടി അഡ്വ. യു.എ. ലത്തീഫ് ഈ യുഡിഎഫ് കോട്ട കാക്കുകയായിരുന്നു. 14,573 വോട്ടിന്റെ ഭൂരിപക്ഷവും അന്ന് ലീഗ് സ്ഥാനാര്ഥി മണ്ഡലത്തിൽ നേടി. ഘടകക്ഷി സീറ്റിൽ സിപിഐയുടെ നാസർ ഡിബോണക്ക് 2021-ല് 64,263 വോട്ടുകളാണ് നേടാനായത്. 11,350 വോട്ടുകള് മാത്രം കഴിഞ്ഞവട്ടം നേടിയ എന്ഡിഎ മത്സര ചിത്രത്തിലേ ഇല്ലായിരുന്നു എന്ന് പറയാം.
